قصيدة (طفل مفطوم)للشاعر رياض الحار

متهمنــــــي الطريقــــه الــــمهم سكـــــــته
مــــــاحطن جنح للمـــــايعرف يطيــــــــر
مـــوكلمن يريـــــد يطيـــــر طيــــــــــرته
أذا بيبـــــــان خيــــبر علكلب حطيـــــت
انه الـــجف الســــوالف علي الحشمـــــته
انه المدخـــــــل مغارة بـــــالك احتليــــت
خـــــــاف العنكبوت يكــــــول قشمــــرته
فر راســـي الوكــــت فر المغــــــازل اي
بيه مفتـــــر عمر وشكثـــــر دوخــــــــته
ترتـــــــــاح المغـــــازل روسهه من ادور
لأن تدري بغزلـــــهه النــــــــــاس لابسته
على صدر الحمل جتفيني مطبوعـــــــات
من كد مابقـــــــت ليـــــــفوك شايلـــــــته
سكنت الدمــــــع من جـــــــان ماكوبيوت
دار ايتــــــــــام عيـــني وبيهه سكنــــــته
المأمن لأن مـــــاعنده حــــــــاجه دضيع
مومثـــــــــل التضيع كبــــــاله قافلــــــته
لاتكطــــع ورد كـــــــدام جف فـــــــلاح
صعبه علــــه اليشـــوف بعينه خاتمــــته
لســــانك خنجرك أطعــــن ولكن ليــــش
من تـــــرجع تكل للنــــــــــاس سالمته
لكوا أثـــــــــــار طعنــــك بلكلب ألوان
سألونــي وكلت مدغـــــــــاوي طرزته
مثــل خلك الرحــه خليت اذاني ويــاك
يطب بيـــــهه الحجي ومطحون طلعته
على متون المشـــــــــاعر للحلم تابوت
لمدافــــن ذكريــــــاتي الحلم شيعـــــته
فرق بين اليطيـــــــح الكطره من العين
ومابين اليطيـــــــــح الكطره من كصته
الشمـــــع يطفي نعم ويموت انفخ بيــــه
بس شوف الجمر نفخــــــــات شاعلــته
انه عـــــــاشك سهر وحتار بيه الليـــــل
على متـــــون الصبح محتــــــــار نيمته
حلـــــــو غدرك الشامت حيل معجب بيه
من كد مـــــــــاغدرت تعرف ذائقـــــــته
بدل خنجرك حضر انـــــــوب سهـــــــام
لرشـــــــك سهام غدرك ضهري حضرته
للشاعر/ريـــاض الحـــــار